As lummel van 16 sjtruipdje ich de kèrmisse inne buurt aaf om mit bendjes, diese in bienao eder cafee zoogs, leedjes te moge zinge. Ich sjnap noe naog altieëd neet det ich det dörfdje. Ich pakdje de gitaar van de gitarist en gaaf aan de baas van ’t orkesje door waat ich ging zinge. ’t Waas meistal get van Presley of eine angere Rock & Roller. En ich haaj dök succes. Nao zoeën optraeje kwaam eine vraemdje op mich aaf en vroog of ich neet unne kieër biej Hoes zoo wille zinge. Ich kindje Hoes vanne radio. Zieën leedjes woore neet de miene. Biej Hennie thoes huurdje ich dökker de Zangeres zonger Naam. Die zong auch biej Hoes. Det saort muziek waas unne gruwel vaor mich.
Mer ja, op eine kaoje aovondj in december 1958 ging ich met de bös nao Wieërt. Taegenaover ’t station loog zien zaak. Om ’t kort te make: Hae vonj det good kòs zinge en mien gitaarsjpel waas neet sjlecht, mer die Ingelse leedjes vonj der mer niks.
De zaak van Hoes höbbe ze dit jaor hieëlemaol gesjlooptj en haezelf is gisteraovondj auch gegange, 53 jaor nao mien bezeuk. Henk haaj 't dees waek ‘t biej ziene totempaol auch aover 53 jaor. Waat vluugtj de tieëd!.
Mer ja, op eine kaoje aovondj in december 1958 ging ich met de bös nao Wieërt. Taegenaover ’t station loog zien zaak. Om ’t kort te make: Hae vonj det good kòs zinge en mien gitaarsjpel waas neet sjlecht, mer die Ingelse leedjes vonj der mer niks.
De zaak van Hoes höbbe ze dit jaor hieëlemaol gesjlooptj en haezelf is gisteraovondj auch gegange, 53 jaor nao mien bezeuk. Henk haaj 't dees waek ‘t biej ziene totempaol auch aover 53 jaor. Waat vluugtj de tieëd!.
