.
Sjeng Kierkels werd op 10 januari 1927 geboren in een katholieke Limburgse boerenfamilie van acht kinderen. Als studiebol van de familie kreeg hij het voorrecht naar de bisschoppelijke kweekschool in Roermond te gaan, maar hij slaagde niet voor de onderwijzersopleiding omdat hij het laatste jaar een zware hersenschudding opliep en er geen geld was om een jaar over te doen. Jean Kierkels werd daardoor gemeenteambtenaar in Thorn en Roggel.
.
Nuuj Leecht!
.
Door 't versjuve van de vigilie van Paose van Paoszaoterdigmörge nao Paosnacht is ein sjoeën aoj liturgische traditie trök gekómme en höbbe de kösters 't d'r neet gemaekelikker op gekraege.'t Waas oppe repetitie van 't kèrkkoeër, det 't volgendje waerdje vertèldj. 'n Dieke vieftig jaor gelaeje waas einne zekere Harie köster in Heitse. Swerjes mook d'r alles vaerdig väör de stil mès en sunjes duujdje d'r op 't orgel, dae de orgelfebriek van Verschueren in Sinterklaos zien kèrk haaj gebouwdj. Wie det ouch noe nog is, mós daags väör Paose 't nuuj leecht of 't nuuj veur waere geslage oet einne stein. Op vandaag doon ze det hieël gewuuen mèt einne veurketser, mer in Harie ziene tied kós men die nog neet. Saoves van te väöre lag Harie altied ein paar gedruuegdje zwamme en get aoj lepkes inne aove van 't fornuis en sangerdaags begós d'r al óm half vief veur oet ziene stein te slaon, väör de deenst van zès ore. En de meiste kieëre waas 'm det ouch binne 't half oor gelöktj. Of 't noe kwaam, ómdet de zwam neet druueg genóg waas of det 't Harie ins neet zoeë good handje, mer op einne kwaoje kieër stóng d'r óm kwart väör zès nog mèt ziene tóntjel op dae stein te zwaarse mèt pestoeër, de mèsdeners en de kèrkmeisters róndjóm zich haer. Dao mótte op einne Paoszaoterdigmörge nog noeëts zo’n sjoeën vigilies zeen gezónge as toen, tösse kwart väör zès en zès ore in de sacristie vanne kèrk van Heitse. Want óm zès oor waas d'r waal eine „wanhopige" köster en dito kèrkmeisters, mer gein nuuj veur. En in de kèrk zote al hieël get minse te wachte. Inplaats van Lumen Christi zag Harie hieël get anges en óm tieën op zés goeëdje d'r de knómmel dao neer. Noe waas Harie sjrikkelik liturgisch en daoróm dörfdje nemes väör te stèlle óm 't dit jaor mer mèt ein zwaegelke te prebere. Oppe door haje ze allemaol ins geprebeerdj en zich mèt d'n tóntjel op de vingers gehoudj ofwaal de stein geraaktj, sónger det de zwam aan 't borre ging. Óngerhandj waas 't kwart op zès en opins kraeg de kèrkmeister Sjang Baere einne goje inval, „Wèts dich get Harie", zag d'r taege de köster, „gangk hieël efkes boete staon; doe meuks ós allemaol zenewechtig mèt die geketter. Óngertösse zal ich den nog ins prebere. Mesjien löktj 't den baeter". Ófsjoeën neet gaer, ging Harie mèt pestoeër nao boete oet de sacristie en wie d'r zaag det dao boete 'ne houp minse stónge te wachte, heel d'r 't neet langer oet: „Dao mót nuuj veur kome, verdomme! Dao mót nuuj veur kómme, al mót 't oet Paries of Berlien kómme. Mer veur mót d'r kómme, verdomme!" De köster waas klam de däör oet of Baere Sjang zag taege ein van de mèsdeners: „Flot ein zwaegelke jóng. Ein bietje gauw astebleef. En allemaol zègke det ich 't veur oet de stein höb geslage. En wiejer de moel haoje, begraepe!" En toen: „Harie, Harie, dao is veur! Harie!" Mer de köster waas al binne. Ein bietje óngeluivig kaek d'r nao de zwam die aan 't borre waas. „Gae höbtj d'r toch zeker gein zwaegelke aan gehaoje?" „Gaaroet neet!! Wie kums dich dao bie?!!" laog 't hieël kèrkbestuur mèt de mèsdeners. Zoeë begós de deenst toch nog óm half zeve. Ónger de deenst sloog de köster waal twintjig heilige äöver oet de litanie en leet d'r ouch nog 't book valle. En 's nammedaags is d'r nog bie Sjang Baere aan hoes gewaesj en haet d'r zich plechtig laote verzekere, det dao gein zwaegelke bie 't nuuj veur waas gewaesj.
.
Sjeng Kierkels werd op 10 januari 1927 geboren in een katholieke Limburgse boerenfamilie van acht kinderen. Als studiebol van de familie kreeg hij het voorrecht naar de bisschoppelijke kweekschool in Roermond te gaan, maar hij slaagde niet voor de onderwijzersopleiding omdat hij het laatste jaar een zware hersenschudding opliep en er geen geld was om een jaar over te doen. Jean Kierkels werd daardoor gemeenteambtenaar in Thorn en Roggel.
.
Nuuj Leecht!
.
Door 't versjuve van de vigilie van Paose van Paoszaoterdigmörge nao Paosnacht is ein sjoeën aoj liturgische traditie trök gekómme en höbbe de kösters 't d'r neet gemaekelikker op gekraege.'t Waas oppe repetitie van 't kèrkkoeër, det 't volgendje waerdje vertèldj. 'n Dieke vieftig jaor gelaeje waas einne zekere Harie köster in Heitse. Swerjes mook d'r alles vaerdig väör de stil mès en sunjes duujdje d'r op 't orgel, dae de orgelfebriek van Verschueren in Sinterklaos zien kèrk haaj gebouwdj. Wie det ouch noe nog is, mós daags väör Paose 't nuuj leecht of 't nuuj veur waere geslage oet einne stein. Op vandaag doon ze det hieël gewuuen mèt einne veurketser, mer in Harie ziene tied kós men die nog neet. Saoves van te väöre lag Harie altied ein paar gedruuegdje zwamme en get aoj lepkes inne aove van 't fornuis en sangerdaags begós d'r al óm half vief veur oet ziene stein te slaon, väör de deenst van zès ore. En de meiste kieëre waas 'm det ouch binne 't half oor gelöktj. Of 't noe kwaam, ómdet de zwam neet druueg genóg waas of det 't Harie ins neet zoeë good handje, mer op einne kwaoje kieër stóng d'r óm kwart väör zès nog mèt ziene tóntjel op dae stein te zwaarse mèt pestoeër, de mèsdeners en de kèrkmeisters róndjóm zich haer. Dao mótte op einne Paoszaoterdigmörge nog noeëts zo’n sjoeën vigilies zeen gezónge as toen, tösse kwart väör zès en zès ore in de sacristie vanne kèrk van Heitse. Want óm zès oor waas d'r waal eine „wanhopige" köster en dito kèrkmeisters, mer gein nuuj veur. En in de kèrk zote al hieël get minse te wachte. Inplaats van Lumen Christi zag Harie hieël get anges en óm tieën op zés goeëdje d'r de knómmel dao neer. Noe waas Harie sjrikkelik liturgisch en daoróm dörfdje nemes väör te stèlle óm 't dit jaor mer mèt ein zwaegelke te prebere. Oppe door haje ze allemaol ins geprebeerdj en zich mèt d'n tóntjel op de vingers gehoudj ofwaal de stein geraaktj, sónger det de zwam aan 't borre ging. Óngerhandj waas 't kwart op zès en opins kraeg de kèrkmeister Sjang Baere einne goje inval, „Wèts dich get Harie", zag d'r taege de köster, „gangk hieël efkes boete staon; doe meuks ós allemaol zenewechtig mèt die geketter. Óngertösse zal ich den nog ins prebere. Mesjien löktj 't den baeter". Ófsjoeën neet gaer, ging Harie mèt pestoeër nao boete oet de sacristie en wie d'r zaag det dao boete 'ne houp minse stónge te wachte, heel d'r 't neet langer oet: „Dao mót nuuj veur kome, verdomme! Dao mót nuuj veur kómme, al mót 't oet Paries of Berlien kómme. Mer veur mót d'r kómme, verdomme!" De köster waas klam de däör oet of Baere Sjang zag taege ein van de mèsdeners: „Flot ein zwaegelke jóng. Ein bietje gauw astebleef. En allemaol zègke det ich 't veur oet de stein höb geslage. En wiejer de moel haoje, begraepe!" En toen: „Harie, Harie, dao is veur! Harie!" Mer de köster waas al binne. Ein bietje óngeluivig kaek d'r nao de zwam die aan 't borre waas. „Gae höbtj d'r toch zeker gein zwaegelke aan gehaoje?" „Gaaroet neet!! Wie kums dich dao bie?!!" laog 't hieël kèrkbestuur mèt de mèsdeners. Zoeë begós de deenst toch nog óm half zeve. Ónger de deenst sloog de köster waal twintjig heilige äöver oet de litanie en leet d'r ouch nog 't book valle. En 's nammedaags is d'r nog bie Sjang Baere aan hoes gewaesj en haet d'r zich plechtig laote verzekere, det dao gein zwaegelke bie 't nuuj veur waas gewaesj.
.
Jean (Sjeng) Kierkels, die op 11 november 2009 overleed, was een van de grootste fondsenwervers van Nederland. Hij was een pionier van de Nederlandse Hartstichting in de jaren zestig. Daarna werkte hij jarenlang voor ontwikkelingsorganisaties, voordat hij in de jaren negentig de Hersenstichting Nederland opzette. Hij besloot zijn lichaam na zijn dood ter beschikking te stellen van de wetenschap en zijn hersenen aan de Hersenbank.
