.
.
Gistere sjraef ich aover de sjtille witte sjtasie. Vanmörge zoog ich de stoptrein oet Eindhove sjtoppe.
Gistere sjraef ich aover de sjtille witte sjtasie. Vanmörge zoog ich de stoptrein oet Eindhove sjtoppe.
Gisteraovondj zoog ich oppe TV eine film aover de elfsjtede-tocht in 1963, bienao fieftig jaor gelaeje. 't Kwartje veel. Die sjtsasie is neet allein wit en sjtil, mer auch koad, fien koad, net zoeëals in 1963. Ich loog toen in deenst in Mestreech. De Maas waas toegevraore, 't vroor detse kraakdje. Ich leep op zunjigaovendjvanaaf de Walk nao de bös-sjtopplaats en ging met de bös nao de sjtasie in Remunj. De bös waas 'n bietje verwermdj. In Remunj oppe Stasie stjong ich den te wachte opppe militaire trein. 't Waas zunjigaovondj rondj 'n oor of acht. Ze verwachdje mich om tieën oor oppe kazerne. 't Hieël wiekend nao de kloeëte. 't Waas kaod oppe stasie, en mer wachte oppe militaire trein. Eine trein mit houte bengk en gein verwerming. Oppe stasie leepe militaire mit eien kalkummer opppe kop (MP-ers) te controlere of d'r geine militair in unne gewuuëne trein sjtapdje. Deet ze det waal, den woorse de l.. 't Volgendje wiekend neet nao hoeës. Dao weurse hel vanne, zachte de luuj.
