Vanmörge òm zès oor waerdje ich wakker door de herrie Pro-Rail. Die zeen ’n sjtök van ’t sjpaor aan ’t vernuuje. De houte bielze waere vervange door betonne. Auch kriege wae nuuj rails. “Waat kosj det neet?” vraoge väöl luuj zich aaf. “Nuuj rails die neet gebroektj weurdj!”
.
Vanmörge waerdje ich dus vreug wakker, de zon sjaen al op oos balkòn. Echt wanjelwaer! ’n Jaor of tieën gelaeje stong ich edere daag om zès oor op. Op vakansie in Belsj zoogse mich om dae tieëd langs de zieë loupe. In Zwitserlandj ging ich den drie kilomaeter omhoeëg, te voot en auch weer trök.
In 2000 verhoesdje Hennie en ich nao Wieërt. ’s Mörges zès oor, wanjele! In dae tieëd tèldje ich de traej die ich maakdje. Nao Sloes veertieën woore 3600 traej haen en auch weer 3600 traej trök. Det loupe kraeg fobiese trikskes. Asse mich toendertieëd gevraogdj haats: ”Wie wiet is ’n nao Albert Hein?” den haaj ich gezachtj: “1300 traej!”
.
Vanmörge waerdje ich dus vreug wakker, de zon sjaen al op oos balkòn. Echt wanjelwaer! ’n Jaor of tieën gelaeje stong ich edere daag om zès oor op. Op vakansie in Belsj zoogse mich om dae tieëd langs de zieë loupe. In Zwitserlandj ging ich den drie kilomaeter omhoeëg, te voot en auch weer trök.
In 2000 verhoesdje Hennie en ich nao Wieërt. ’s Mörges zès oor, wanjele! In dae tieëd tèldje ich de traej die ich maakdje. Nao Sloes veertieën woore 3600 traej haen en auch weer 3600 traej trök. Det loupe kraeg fobiese trikskes. Asse mich toendertieëd gevraogdj haats: ”Wie wiet is ’n nao Albert Hein?” den haaj ich gezachtj: “1300 traej!”
.
Vanmörge waas ich dus om zès oor klaorwakker en ich besjlaot te gaon wanjele, nao Sjoes veertieën en nog eine kieër tèlle. Biej de Sjloes waas ich vanmörge aan 4100! Dao kloptj get neet? Trök woore ’t auch ongevieër 4000 traej. De Sjloes is neet verhoesjt en Twijndersjtraot 18c ligktj auch nog alteëd op dezelfdje plaats. Mien traej waere korter!
.
.
Mörgevreug as ich òm zes oor wakker waer, gaon deze jong weer wanjele, mer det tèlle is vanaaf vandaag gedaon!
